Wednesday, June 12, 2013

Zindagi Hu Main

Zindagi behti ja rahi hai,
Thamne ka naam nahi leti.
Main bhi chalti ja rahi hu,
Thakne ka naam nahi leti.

Aage andhera Piche ujala sa lag raha hai,
Par main bhi mushkilo se darne ka naam nahi leti.

Kayi thokaren khayi, kayi naadaniya ki.
Kayi dhoke khaye, kayi manmaaniya ki.
Kayi bar dil toota aur kayi dil tode,
Lekin main 'Pyar' ko jhuthlane ka naam nahi leti.

Na janu main kya chahu,
Kayi mod par khud ko bhoola pau.
Phir bhi zindagi ke khel se muh modne ka naam nahi leti.

Kabhi kuch mehsus na kar pau,
Kuch sapne ehsaas na kar pau.
Par apni koshisho ko chodne ka naam nahi leti.

Kabhi bhagu,
Kabhi chupu.
Aur kabhi apneaap se ladu.
Phir bhi halato se haarne ka naam nahi leti.

Main hu Main,
Jise jeene ke liye taraasha gaya hai.
Khushi hu main.
Umeed hu main.
Sapna hu main.
Hairani bhi hu main.
Dua hu main.
Dava hu main.
Khud se ishq hai mujhko.
Aur ye aadat hai ke chutne ka naam nahi leti...

2 comments: